Department of Agriculture
Philippine Center for Postharvest Development and Mechanization
RCEF Mechanization Program
Ang pagtatayo ng Rice Processing System o RPS ay isa sa mga pamamaraan ng RCEF Mechanization Program upang tulungan ang mga magsasakang Filipino tungo sa matatag at kumpetitibong sektor ng agrikultura.
Layunin nito na makamit ang hustong benepisyo ng mekanisasyon sa pagbuo ng kumpletong hanay ng makinarya sa pagpapalay. Ito ay sa pamamagitan ng RPS na ipamamahagi sa mga kwalipikadong Farmers' Cooperatives and Associations (FCAs) at Local Government Units (LGUs) mula sa mga pangunahing probinsiya na nagtatanim ng palay sa Pilipinas.
Ang RPS ay binubuo ng mga makinaryang gamit sa pagpapatuyo ng palay at paggiling ng bigas. Katuwang ang mga makinarya sa paghahanda ng lupa, pagtatanim ng binhi o punla, at pag-aani ng palay, inaasahan ang mas mataas na ani, kita at kakayahan ng mga magsasaka na makipagsabayan sa mga karatig-bansa.
Ang RPS ay may tatlong package: RPS Level 1, RPS Level 2, at RPS Level 3. Maaring makatanggap ang mga kwalipikadong FCAs o LGUs ng isa sa mga ito ayon sa kanilang kakayahan o kapasidad.
Tulungan ang mga magsasaka laban sa mga hindi inaasahang epekto ng Rice Tariffication Law sa pamamagitan ng abot-kayang serbisyo na maibibgay ng RPS sa mga magsasaka.
Bigyan ng karagdagang kita ang mga magsasaka mula sa pagpoproseso at pangagalakal ng de-kalidad na bigas at mga produkto nito.
Pababain ang porsiyento ng mga natatapon o nasasayang na butil sa makatapos-ani at pagandahin ang kalidad ng giniling na bigas.
FCAs na naggigiling ng bigas gamit ang mga makinarya o pasilidad na kailangan nang palitan o i-upgrade dahil sa anuman sa mga sumusunod na dahilan:
Ang ricemill ay palitin o luma na (15 taong gulang o pataas)
Ang makinarya ay single-pass rice mill
Ang produksyon ng makinarya ay hindi nakasusunod sa pangangailangan o pamantayan ng pamilihan/mamimili
Ang makinaryang gamit ay may mababa at hindi sapat na kapasidad
Naghayag ang FCA ng pangangailangan ng agarang pagpapalit o upgrading
Handa ang FCA na sagutin ang mga gastusin sa pagpapatayo o pagbabago ng istraktura ng warehouse na kakailanganin para sa mga bagong yunit ng makinarya o pasilidad
FCAs na namimili ng palay at nais na pasukin ang pagpoproseso o paggigiling ng bigas
FCAs na nakatanggap na ng mga makinarya mula sa RCEF at gustong pasukin ang pamimili ng palay, pagpoproseso at pangangalakal ng bigas
LGUs na may kagustuhan, kakayahan, at may kumpletong dokumentong kailangan sa aplikasyon
Farmers' Cooperatives and Associations (FCAs):
1. Letter of intent at board resolution mula sa samahan
2. Certificate of Registration mula sa CDA/SEC/DOLE
3. Certificate of Accreditation mula sa Department of Agriculture
4. Financial statement ng samahan mula sa nakaraang dalawang taon
5. FCA profile (listahan ng mga miyembro kaakibat ang luwang ng sinasakang bukid ng bawat isa; listahan o imbentaryo ng mga makinarya o pasilidad na nabili at natanggap ng samahan mula sa gobyerno)
Local Government Units (LGUs):
1. Letter of intent at sanggunian resolution
2. Rice production profile na may listahan ng mga magsasaka ng palay at listahan o imbentaryo ng mga makinarya o pasilidad na mayroon ang bayan o lugar
1. Impormasyon ukol sa pagmumulan o panggagalingan ng suplay ng mga ipoprosesong palay
Para sa FCAs: Ang lugar ay napapaligiran ng mga barangay na may hindi bababa sa 360 ektaryang palayan, kung saan 200 ektarya ay pag-aari ng mga aktibong miyembro ng samahan
Para sa LGUs: Ang bayan o munisipalidad ay may sakop na hindi bababa sa 1,080 ektarya ng palayan
2. Katibayan ng pagmamay-ari (title, usufruct agreement o deed of donation) ng lugar na pagtatayuan ng warehouse at pag-iimbakan ng mga palay at bigas
Ang lawak ay angkop o hindi bababa sa sukat na kinakailangan (RPS Level 1 - 300 m²; RPS Level 2 - 600 m²; RPS Level 3 - 1,000 m²)
Ang lugar ay may layo na hindi bababa sa 300 m mula sa mga kabahayan, paaralan, hospital at iba pang gusali
Mayroon o naaabot ng 3-phase connection na suplay ng kuryente
3. Katunayan ng pagkakaroon ng sapat na puhunan o kapital
4. Feasibility study proposal (nilalaman nito ang mga iminungkahing plano ng samahan ukol sa pamamalakad o paggamit ng RPS)
