Department of Agriculture
Philippine Center for Postharvest Development and Mechanization
RCEF Mechanization Program
Ang programang ito ay nabuo sa adhikain ng PHilMech na isulong sa mga magsasakang benepisyaryo ng Rice Competitiveness Enhancement Fund (RCEF) Mechanization Program ang paggamit ng mga crop establishment technologies (CET), gaya ng mechanical transplanters at precision seeders, sa kanilang mga palayan na may potensyal na mapabilis ang operasyon sa bukid, bumaba ang production cost, at tumaas ang ani kumpara sa manwal na operasyon.
Ito ay pinangungunahan ng extension services cluster ng PHilMech na binubuo ng Applied Communication Division (ACD), Technology Management and Training Division (TMTD), Enterprise Development Division (EDD), at Facility Management and Field Operations Division (FMFOD). Kasama rin dito ang Program Management Office (PMO) ng RCEF.
Mga benepisyaryong farmers’ cooperatives and associations o FCA (model at non-model) ng RCEF Mechanization Program na hindi pa nakaka-avail ng mga libreng CET o mga naka-avail na ngunit mababa ang utilization rate.
Inilunsad ng PHilMech ang programang ito upang mapataas ang pagtangkilik at paggamit ng mga CET sa bansa. Sapagkat ayon sa datos ng PHilMech (2022), nasa 7ha/season national average lamang ang naseserbisyuhan ng mga naipamigay na transplanters/seeders. Maliban dito pinakamababa ang bilang ng mga FCA na may interes sa mga CET sa RCEF Mechanization Program kumpara sa ibang production technologies.
Ayon pa sa pananaliksik ng PHilMech, nakikitang malaki ang potensyal ng mga CET na mapababa ang production cost, mapataas ang ani, at maging ang kita ng mga magsasaka. Ito ay magiging mas posible kung tatambalan ng magandang land preparation gamit ang makinarya, maayos na crop care, at episyenteng mechanical harvesters.
I-update ang machinery protocol sa produksyon ng palay lalo na sa crop establishment technologies upang maging gabay ng mga magsasaka sa pagtangkilik at paggamit ng mga makinarya.
Maipakita sa mga magsasaka kung paano ginagamit ang mga CET sa pamamagitan ng mga aktwal na technology demonstrations malapit sa kanilang lugar.
Pag-ibayuhin ang kaalaman at kakayahan ng mga magsasaka sa paggamit ng mga makabagong makinaryang pantanim sa pamamagitan ng mga training courses, campaigns at information, education and communication materials
Ito ay sisimulan sa pamamagitan ng pag-identify ng mga FCA na benepisyaryo na ng RCEF Mechanization Program na maaaring meron nang unit ng anumang makinaryang pantanim na hindi masyadong nagagamit o mga samahang wala pa ngunit mayroon nang four-wheel tractor at rice combine harvester mula sa RCEF. Ito ay magagawa sa tulong ng mga cluster teams ng Facility Management and Field Operations Division (FMFOD) ng PHilMech.
Sa paraang ito, mas magiging strategic ang approach ng programa sa pagpapataas ng adoption at utilization rate ng CET. Makapagsisimula ang ahensya sa mga tamang grupo na may potensyal na maging technology adopters.
Pagkatapos malaman ang listahan ng mga FCA na kabilang dito, magsasagawa naman ang Applied Communication Division (ACD) ng PHilMech ng advocacy campaign activity na tatawaging “Makinaryang Pantanim, Push na ‘Yan sa Palayan.” Magkakaroon ng pagbabago sa approach ng pagsasagawa nito dahil imbis na mga experts mula sa iba’t ibang ahensya, mga farmer-practitioners na may sapat na karanasan sa makinaryang pantamin ang mga magiging tagapagsalita rito.
Matatapos ito sa pamamagitan ng panawagang magsign-up ang mga samahang naging interesado na gumamit ng makinarya para sa isang technology demonstration sa kanilang lugar.
Mula sa mga na-consolidate na bilang ng mga nagpahayag na magkaroon ng techno demo sa kanilang lugar, pipiliin ng PHilMech ang pinaka strategic na lugar para sa aktibidad na ito na pangungunahan naman ng Technology Management and Training Division (TMTD). Kailangan lamang na hindi bababa sa dalawang (2) ektarya ang bukid para sa techno-demo. Iaapply na rito ang unified machinery protocols na nabuo ng mga farmer practitioners, PHilMech at PhilRice (crop care).
Maliban dito, magkakaroon din ng mga specialized training courses sa operation and maintenance ng mga crop establishment technologies, at seedling preparation para sa mga nagsign-up sa techno demo. Kasama na rito ang mga communication materials ukol sa crop establishment. Magkakaroon din ng season-long observation ang mga magsasakang nagsign-up at potential adopters, kasama ang mga eksperto ng PHilMech, PhilRice at maging mga Agricultural Extension Workers (AEWs). Ang phase na ito ay matatapos sa isang harvest festival kung saan mangangalap na ng mga bagong technology adopters para sa susunod na cropping season.
Magkakaroon muli ng mga specialized training courses para sa mga bagong technology adopters upang mas maging maalam sila sa makabagong pamamaraan. Kasama pa rin dito ang mga ahensyang nabanggit ngunit mas magkakaroon na ng bahagi ang mga AEWs sa cropping season observations upang maipasa na sa kanila ang pagtutuloy-tuloy ng bagong kaparaanan.
Sa punto ring ito ay darating na ang mga libreng makinaryang pantamin para sa mga FCA mula sa RCEF Mechanization Program upang magamit na at makapag-serbisyo sa mga miyembro nito.
Ang phase na ito ay pangungunahan na ng FMFOD ng PHilMech. Samantala, ang pag-document ng buong proseso ay pangungunahan ng ACD at ang monitoring naman kung dumarami na ang mga gumagamit ng makinaryang pantanim ay pangungunahan naman ng PMO.
Kung nasa lima o higit pang mga magsasaka na ang tumatangkilik na sa makinarya, magsisimula na ang bagong phase nito, ang pagbuo ng isang agro-enterprise na farm service provision gamit ang mga makinarya. Ang mga coachings at training courses ay pangungunahan ng EDD ng PHilMech at maaaring sa tulong din ng Cooperative Development Authority (CDA).
Hihikayatin din sa phase na ito ang mga indibidwal na enterprise lalo sa mga kabataan sa pamamagitan ng pagiging seedling producers upang mapadali ang pagtangkilik sa makinaryang pantanim ng ibang magsasaka. Sa puntong ito magsisimula nang maging model ang mga FCA na nakatanggap ng mga makinarya. Maaaring iwan narin ng mga AEW ang samahan at magsisimula nang manguna ang mga farmer-experts mula mismo sa kanilang FCA.
